تجديد جرح بقلبي قديم

[الساري]

تجدد جرحٍ بقلبي قديم
يكفي اللي منك بالماضي جرى
أعرف أني فيك هايم مستهيم
وأعرف أن الدمع من شانك جرى
وأعرف أن الحب مقداره عظيم
خايب اللي يدفنه تحت الثرى
والمحبة فيها نيران ونعيم
عاشها اللي في مناهجها قرى
يا حبيبي حبك بقلبي يتيم
ولا أحد غيرك على بالي طرى
بالوفاء يا منوتي خلّك كريم
واصدق بقولك وخل المفترى
كم لأجلك ساهر الليل العتيم
راح كل الليل ما ذقت الكرى
عشت أنا والهم فيني مستديم
دمع عيني من على خدي جرى
حالتي حالة وربي بي عليم
وما حدٍ فيني من العالم درى
قصتي عنوانها الجرح الأليم
عشتها وياك يا زين الورى

[ملاكـ ـ]

اخوي الساري يعطيك ربي الف عافيه

تسلم اخوي على هالشعر

في انتظار جديدك

تحياتي